Azərbaycan Birləşmiş Ərəb Əmirliklərinin Dubay şəhərində keçirilən ən böyük beynəlxalq qida sərgisi - "Gulfood 2024”də “Made in Azerbaijan” vahid ölkə stendi ilə təmsil olunur.

Bu barədə Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov sosial şəbəkə hesabında yazıb.

Agentliyin rəhbəri əlavə edib ki, 20-yə yaxın şirkətin məhsullarının sərgiləndiyi stenddə KOBİA-nın xidmətləri barədə də məlumat verilir.

Qeyd edək ki, sərgi 23 fevral tarixinədək davam edəcək.