Azərbaycan məhsullarının ölkəmizdən kənarda tanıdılması məqsədilə 12 Ticarət Evi fəaliyyət göstərir. Bu il isə Çinin Çendu və Nankin şəhərlərində daha iki Ticarət Evinin rəsmi açılışı gözlənilir.

Bunu İxracın və İnvestisiyaların Təşviqi Agentliyinin (AZPROMO) icraçı direktoru Yusif Abdullayev Agentliyin 2023-cü ildəki fəaliyyətinin yekunlarına dair mətbuat konfransında çıxış edərkən deyib.

Onun sözlərinə görə, Azərbaycanın xaricdə fəaliyyət göstərən ticarət nümayəndəlikləri sayəsində ölkənin qeyri-neft məhsullarının ixracının genişləndirilməsi sürətlə davam edir və qeyri-neft ixracının potensialı yüksək səviyyədə reallaşdırılır.