3 Mart 2024

VERGİLƏR

SOSİAL-İQTİSADİ ONLAYN QƏZET

Salvator Santajelo: “Azərbaycan günəş enerjisi baxımından böyük potensiala malikdir”

“Azərbaycan enerjinin şaxələndirilməsinə və “yaşıl iqtisadiyyat”a keçidə əhəmiyyətli investisiyalar qoyur. Son illər ərzində ölkə tərəfindən maliyyələşdirilən günəş və külək enerjisi layihələri bunu sübut edir”. Bu sözləri beynəlxalq münasibətlər üzrə italiyalı ekspert Salvator Santajelo “Azərbaycan iqtisadiyyatı” Teleqram kanalına açıqlamasında deyib.

“Azərbaycanın COP29-a ev sahibliyi etmək qərarı müasir reallıqların bariz nümunəsidir. Ölkədə olan qalıq yanacağın böyük ehtiyatlarına və Avropa İttifaqının enerji təhlükəsizliyində xüsusi roluna görə Azərbaycan çox vaxt neft-qaz dövləti kimi tanınır”, - o qeyd edib. Ekspertin sözlərinə görə, bununla belə, ölkədə enerj sahəsində həyata keçirilən layihələrə irihəcmli sərmayə yatırılır: “Bu addımlar əsrin ortalarına yaxın təmiz enerji iqtisadiyyatı qurmağı hədəfləyir. Yaşıl inkişaf göstəricilərinin ilk seriyası 2016-cı ildə hazırlanıb. “Azərbaycan 2030: sosial-iqtisadi inkişafa dair Milli Prioritetlər” və “Azərbaycan Respublikasının 2022─2026-cı illərdə sosial-iqtisadi inkişaf Strategiyası” kimi ölkənin həm orta, həm də uzunmüddətli strategiyalarında və fəaliyyət planlarında “yaşıl keçid” mühüm yer tutur”.

Ekspertin fikrincə, BMT Azərbaycan nümunəsini təqdim etməklə göstərmək istəyir ki, hətta böyük neft və qaz potensialına sahib dövlətlər də öz iqtisadiyyatlarını və sənayelərini yaşıllaşdıra bilərlər: “Günəş enerjisi baxımından böyük potensiala malik olan Azərbaycanda layihələrin inkişaf etdirilməsinə daha çox investor maraq göstərəcək. Bu addımlar Azərbaycanın “yaşıl keçid”ə hədəflənən yolunu xeyli sürətləndirəcək”.

Tamilla MƏMMƏDOVA

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb