2023-cü ilin yanvar-noyabr aylarında Azərbaycanın Estoniya ilə ticarət dövriyyəsinin ümumi həcmi 2022-ci ilin müvafiq dövrünə nisbətdə 34,3 faiz və ya 2,9 milyon ABŞ dolları artaraq 11,4 milyon dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, ötən ilin ilk 11 ayında Azərbaycandan Estoniyaya 5,6 milyon dollar dəyərində məhsul ixrac edilib ki, bu da 2022-ci ilin eyni dövrü ilə müqayisədə təqribən 2,8 dəfə və ya 3,65 milyon dollar çoxdur.

Estoniyadan Azərbaycana idxal edilən məhsulların dəyəri isə 11,2 faiz və ya 735,6 min dollar azalaraq 5,8 milyon dollar təşkil edib.

2023-cü ilin yanvar-noyabr aylarının nəticələrinə görə, ölkənin ümumi ticarət dövriyyəsində Estoniya ilə ticarətin payı 0,02 faiz təşkil edib.