Bu ilin yanvar-noyabr ayları ərzində ölkədən 641,1 milyon ABŞ dolları dəyərində 641,7 min tondan çox meyvə-tərəvəz ixrac edilib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, ötən ilin müvafiq dövrü ilə müqayisədə ixracın dəyəri 8 faiz və ya 47,79 milyon dollar, həcmi isə 12,2 faiz və ya 69,6 min ton artıb.

Bu ilin oktyabr ayına nisbətdə isə noyabrda meyvə-tərəvəzin ixrac dəyəri 30,5 faiz artaraq 96,7 milyon dollar, həcmi isə 38,4 faiz artaraq 103,9 min ton təşkil edib.

Cari ilin ilk 11 ayında bu kateqoriyadan olan məhsulların ümumi ixracda xüsusi çəkisi 2,03 faizə, qeyri-neft məhsullarının ixracında çəkisi isə 21,14 faizə bərabər olub.