Strateji müttəfiqlik və həmrəyliklə ortaq hədəflərə doğru uğurla irəliləyən Azərbaycan-Türkiyə birliyi iqtisadi münasibətlərimizin dərinləşdirilməsi üçün yeni perspektivlər açır. Bakıda ümummilli lider Heydər Əliyevin 100 illik yubileyi və Türkiyə Cümhuriyyətinin yaranmasının 100-cü ildönümünə həsr olunan Azərbaycan-Türkiyə İnvestisiya Forumunda ikitərəfli əlaqələrin potensialı barədə fikirlərimizi bölüşdük.

Bu barədə iqtisadiyyat naziri Mikayıl Cabbarov öz sosial şəbəkə hesablarında məlumat verib.

"Biznes tərəfdaşlığımızın gücləndirilməsi, qarşılıqlı sərmayələrin və ticarət dövriyyəsinin artırılması istiqamətində konstruktiv müzakirələr apardıq", - nazir əlavə edib.