Bu ilin yanvar-noyabr aylarında Azərbaycanın Rusiya ilə ticarət dövriyyəsinin ümumi həcmi 21,1 faiz və ya 687,62 milyon ABŞ dolları artaraq 3,95 milyard dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk 11 ayında Azərbaycandan Rusiyaya 1,08 milyard dollar dəyərində məhsul ixrac edilib ki, bu da 2022-ci ilin eyni göstəricisindən 26,1 faiz və ya 224,3 milyon dollar çoxdur.

Rusiyadan Azərbaycana idxal edilən məhsulların dəyəri isə 19,3 faiz və ya 463,3 milyon dollar artaraq 2,86 milyard dollar təşkil edib.

Cari ilin yanvar-noyabr aylarının nəticələrinə görə, ölkənin ümumi ticarət dövriyyəsində Rusiya ilə ticarətin payı 8,35 faiz təşkil edib ki, bu da bir il əvvəlki eyni göstəricidən 1,72 faiz bəndi çoxdur.