Azərbaycanın kifayət qədər yüksək iqtisadi potensialı var.

Bu barədə “Azərbaycan iqtisadiyyatı” Teleqram kanalına Mərkəzi Asiya Nəqliyyat və Logistika Tərəfdaşlığının sədri, Tacikistan Peşəkar Məsləhətçilər İttifaqının İdarə Heyətinin sədri Larisa Kislyakova bildirib.

“Bu gün bizim nəqliyyat dəhlizi üzrə bütün tranzitimiz Azərbaycandan keçir. Yeni texnologiyalar və iqtisadi artım çox həvəsləndirici və ruhlandırıcıdır. Xüsusilə bu gün iqtisadiyyatda və tranzitdə tətbiq olunan rəqəmsallaşma məsələləri ilə bağlı fəxr edəcəyimiz çox şey var”, - ekspert qeyd etdi.

Onun sözlərinə görə, Xəzər dənizində bəzi dar boğazlar qalmaqdadır, lakin mütəxəssislər onları aradan qaldırmaq üçün çox çalışırlar. “Bunun nəticəsində növbələr yaranır, bərə qrafiksiz hərəkət edir. Bütün bunlar kiçik problemlər yaradır. Buna baxmayaraq, ümumilikdə tranzit açıqdır, sərhədlərdə növbə yoxdur. Azərbaycanın tranzitindən istifadə edən daşıyıcılarımız çox razıdırlar. Ona görə də Azərbaycan öz təcrübəsini ölkələrimizlə bölüşsə, çox yaxşı olardı, çünki biz Azərbaycandan çox geridəyik”, - L.Kislyakova bildirib.

Ekspert Azərbaycanda tranzit yükdaşımalar sahəsində gözəl şəraitin yaradıldığını vurğulayıb: “Ən əsası odur ki, bu cür şərait bizim ölkələrdə də yaradılsın, çünki Xəzər dənizinə çıxmaq üçün biz Özbəkistan və Qazaxıstandan keçməliyik”.

Tamilla MƏMMƏDOVA