Qazaxıstan Prezidenti Kasım-Jomart Tokayev “Abu Dhabi Ports Group”un idarəedici direktoru Məhəmməd Cuma əl-Şamisi qəbul edib.

"Azərbaycan iqtisadiyyatı" Teleqram kanalı Qazaxıstanın dövlət başçısının rəsmi saytına istinadən xəbər verir ki, görüşdə Kasım-Jomart Tokayev Aktau və Kurık limanlarının inkişafını ölkənin strateji məqsədi adlandırıb.

“Abu Dhabi Ports Group”un nəqliyyat və logistika sahəsində zəngin təcrübəsini nəzərə alaraq, tərəflər bu sahədə qarşılıqlı faydalı əməkdaşlığın perspektivlərini müzakirə ediblər.
Prezident Kasım-Jomart Tokayev Qazaxıstan neftinin Orta Dəhlizlə Azərbaycana nəqlində yerli şirkət “KazMunayQaz” ilə ADP arasında əməkdaşlığı müsbət qiymətləndirib.