“Yaraq-Qazmalar” gömrük-keçid məntəqəsinin buraxılış qabiliyyəti iki dəfədən çox artıb
Azərbaycan-Rusiya sərhədindəki “Yaraq-Qazmalar” gömrük-keçid məntəqəsinin buraxılış qabiliyyəti artıb.
Bu barədə Rusiyanın Baş naziri Mixail Mişustin Moskvada keçirilən Beynəlxalq Gömrük Forumunun iştirakçılarına müraciətində məlumat verib.
O bildirib ki, Azərbaycan-Rusiya sərhədindəki “Yaraq-Qazmalar” gömrük-keçid məntəqəsinin buraxılış qabiliyyəti iki dəfədən çox artıb. Baş nazirin sözlərinə görə, bu ilin üç rübü ərzində Şimal-Cənub beynəlxalq nəqliyyat dəhlizi vasitəsilə əmtəə dövriyyəsinin həcmi ötənilki göstəricidən 30 faiz çoxdur.
Rusiya Baş nazirinin müavini Aleksey Overçuk, öz növbəsində, Azərbaycan-Rusiya sərhədindəki “Yaraq-Qazmalar” gömrük-keçid məntəqəsində yenidənqurma işlərinin bu ilin sonunadək başa çatacağını bildirib O, qeyd edib ki, “Tahirkənd-Qazmalar” avtomobil buraxılış məntəqəsi yenidən qurulduqdan sonra Rusiya-Azərbaycan sərhədində növbə yaranmır.
AZƏRTAC
