Bu ilin yanvar-avqust aylarında Azərbaycanın Danimarka ilə ticarət dövriyyəsinin ümumi həcmi ötən ilin müvafiq dövrünə nisbətdə 10,14 milyon ABŞ dolları və ya 66,6 faiz artaraq 25,3 milyon dolları üstələyib.

“Azərbaycan iqtisadiyyatı” Teleqram kanalının Dövlət Gömrük Komitəsinin hesabatı əsasında apardığı hesablamalara görə, cari ilin ilk 8 ayında Azərbaycandan Danimarkaya 263,33 min dollar dəyərində məhsul ixrac edilib ki, bu da 2022-ci ilin eyni göstəricisindən 197,81 min dollar və ya 4 dəfə çoxdur.

Danimarkadan Azərbaycana idxal edilən məhsulların dəyəri isə 65,6 faiz və ya 9,94 milyon dollar artaraq 25,1 milyon dollar təşkil edib.

Cari ilin yanvar-avqust aylarının nəticələrinə görə, ölkənin ümumi ticarət dövriyyəsində Danimarka ilə ticarətin payı 0,07 faiz təşkil edib ki, bu da bir il öncəki eyni göstəricini 0,03 faiz bəndi üstələyir.