Cari ilin 4-6 oktyabr tarixlərində Daşkənddə 13-cü beynəlxalq “Plastex Uzbekistan 2023” sərgisi keçiriləcək.

İxracın və İnvestisiyaların Təşviqi Agentliyi – AZPROMO-nun məlumatına görə, Azərbaycan sahibkarları sözügedən tədbirdə iştirak etməyə dəvət olunurlar.

“Iteca Exhibitions” və “ICA Eurasia Group” şirkətləri tərəfindən təşkil olunan “Plastex Uzbekistan 2023” sərgisində plastmas istehsalı sahəsində son tədqiqatların nəticələri, ən son məhsul və avadanlıq növləri, yeni istehsal və emal texnologiyaları, o cümlədən polimer bazarının inkişafının ən son tendensiyaları nümayiş olunacaq. Bu il sərgidə Hindistan, İran, Çin, Rusiya, Türkmənistan, Türkiyə və Özbəkistandan 200 şirkət iştirak edəcək. Tədbirdə Çin şirkətlərinin geniş iştirakı gözlənilir (163 şirkət).

Builki “Plastex Uzbekistan” sərgisində iştirak etmək istəyən sahibkarlar aşağıdakı elektron poçt və ya telefon vasitəsi ilə əlaqə saxlaya bilərlər:

E-mail: [email protected]

Tel.: (+998 71) 205 14 14

Əlaqələndirici şəxs: Yana İvanova