Bu ilin iyul ayında Azərbaycanda gündəlik neft (kondensatla birlikdə) hasilatı 621 min barel olub ki, bu da 2022-ci ilin iyul ayının göstəricisindən 5,8 faiz və ya 38 min barel azdır.

“vergiler.az”ın Energetika Nazirliyinin hesabatı əsasında apardığı hesablamalara görə, cari ilin iyul hasilatında 499 min bareli xam neftin, 122 min bareli isə kondensatın payı təşkil edib. 2022-ci ilin eyni ayının müvafiq göstəriciləri üzrə xam neft hasilatında 9,3 faiz (50,9 min barel) azalma, kondensat hasilatında isə 11,8 faiz (12,9 min barel) artım qeydə alınıb.

Bu ilin iyun ayına nisbətdə isə iyulda xam neft hasilatı 0,2 faiz (1 min barel) azalıb, kondensat hasilatı isə 10,9 faiz (12 min barel) artıb.

Qeyd edək ki, “OPEC plus” əməkdaşlığı çərçivəsində 2023-cü ilin sonuna kimi Azərbaycanın ixtisarlarla bağlı öhdəliyi gündəlik 33 min barel, gündəlik xam neft hasilatı üzrə kvotası isə 684 min bareldir.