Bu ilin yanvar-iyun ayıları ərzində ölkədən 60,6 milyon ABŞ dolları dəyərində 12,2 min tondan çox meşə fındığı ixrac edilib.

"vergiler.az"ın Dövlət Gömrük Komitəsinin hesabatı əsasında apardığı hesablamalara görə, bu 2022-ci ilin eyni göstəriciləri ilə müqayisədə dəyər olaraq 5,7 faiz (3,29 milyon dollar), həcm olaraq isə 18,9 faiz (1,94 min ton) çoxdur.

Cari ilin may ayına nisbətdə isə iyunda fındığın ixrac dəyəri 3,3 faiz (193,66 min dollar) artaraq 5,98 milyon dollar, həcmi isə 1,2 faiz (14,18 ton) artaraq 1,1 min tonu üstələyib.

Qeyd edək ki, 2023-ci ilin ilk 6 ayında fındığın ümumi ixracda xüsusi çəkisi 0,34 faizə, qeyri-neft məhsullarının ixracında çəkisi isə 3,42 faizə bərabər olub.