Bu ilin yanvar-iyun aylarında ölkədə 364 ədəd traktor istehsal olunub.

"vergiler.az"ın Dövlət Statistika Komitəsinin hesabatı əsasında apardığı hesablamalara görə, ötən ilin eyni dövrünün göstəricisi ilə müqayisədə traktor istehsalı 40,5 faiz və ya 105 ədəd artıb.

İyun ayında ölkədə 37 traktor istehsal olunub. İyul ayının 1-nə hazır məhsul ehtiyatı 12 traktor təşkil edib.

Qeyd edək ki, 2022-ci ildə ölkədə 588 traktor istehsal olunub.