İqtisadiyyat Nazirliyi yanında Əmlak Məsələləri Dövlət Xidməti tərəfindən 19 və 25 iyul tarixlərində özəlləşdirmə hərracları keçiriləcək.

Xidmətdən “vergiler.az”a verilən məlumata görə, iyulun 19-da təşkil olunacaq hərraca Azərbaycan Beynəlxalq Bankına və Əmanətlərin Sığortalanması Fonduna məxsus ümumilikdə 31 nəqliyyat vasitəsi çıxarılacaq. Nəqliyyat vasitələrinin istehsal tarixi 1998-2014-cü illəri əhatə edir.

İyulun 25-də keçiriləcək hərraca isə 6 səhmdar cəmiyyətin səhm paketi, 7 kiçik dövlət müəssisəsi və obyekti, 42 nəqliyyat vasitəsi çıxarılacaq. Hərraca çıxarılan səhmdar cəmiyyətləri sənaye sahəsinə aiddir Səhmdar cəmiyyətlərinin səhm paketləri nizamnamə kapitalının 30 faizini təşkil edir. Nəqliyyat vasitələrinin buraxılış tarixləri isə 1990-2013-cü illər arasında dəyişir.

Hərraca çıxarılan əmlakların tam siyahısı: (https://clck.ru/33TqtH)