Bu ilin yanvar-iyun ayları ərzində Azərbaycan dəmir yolları ilə 9 157 703 ton yük daşınıb ki, bu da 2022-ci ilin müvafiq dövrü ilə müqayisədə 7 faiz çoxdur.

“Azərbaycan dəmir yolları” QSC-dən “vergiler.az”a verilən məlumata görə, hesabat dövründə dəmir yolları ilə ölkəyə yük idxalı 2 378 078 ton, ixracı isə 1 666 091 ton olub.

Dəmir yolları ilə ölkə daxilində 1 585 836 ton yük daşınıb. Tranzit yük daşımaları üzrə göstərici bu ilin 6 ayında 3 527 698 ton təşkil edib.