İyunun 20-də “Azexport.az” portalı, Rəqəmsal Ticarət Qovşağı və Türkiyənin “ODS Consulting Group” şirkətinin birgə təşkilatçılığı ilə “Rəqəmsal transformasiya və e-ticarət” mövzusunda onlayn Forum keçiriləcək.

İqtisadi İslahatların Təhlili və Kommunikasiya Mərkəzindən “vergiler.az”a verilən məlumata görə, Forum rəqəmsal transformasiya və elektron ticarətin yaratdığı imkanların, Azərbaycan və Türkiyə arasında ticarət əlaqələrinin genişləndirilməsinin və ixracın təşviqi məqsədini daşıyır.

Forumda iki ölkənin bu sahədə olan təcrübəsi, “Alibaba.com” saytının ixrac imkanları, məhsuldarlığının artırılması yolları, onlayn satışda rəqəmsal həllərin tətbiqi, süni intellektin e-ticarət əməliyyatlarında rolu və sair mövzulara toxunulacaq.

Forumda iştirak etmək üçün https://training.ereforms.org/ saytında qeydiyyatdan keçmək lazımdır.