Bu ilin yanvar-aprel aylarında Özbəkistan Azərbaycana 6,2 milyon ABŞ dolları dəyərində trikotaj məmulatları ixrac edib.

"vergiler.az" xəbər verir ki, bu barədə Özbəkistan mətbuatı ölkənin Statistika Agentliyinə istinadən yazır.

Bildirilir ki, cari ilin ilk dörd ayında trikotaj ixracının ümumi dəyəri 102,9 milyon dollar təşkil edib və bu məhsulun 87,8 faizi əsasən beş ölkəyə tədarük edilib. Ötən ilin müvafiq dövrü ilə müqayisədə ixracın dəyəri 12,2 milyon dollar artıb.

Hesabat dövründə ümumi ixrac dəyərinin 31,9 faizi və ya 32,8 milyon dolları Rusiyanın, 27,9 faizi (28,7 milyon dollar) Qırğızıstanın, 16,7 faizi (17,2 milyon dollar) İtaliyanın, 6 faizi (6,2 milyon dollar) Azərbaycanın, 5,3 faizi isə Belarusun (5,5 milyon dollar) payına düşüb.