Bu il Rusiyanın Perm diyarından olan sahibkarların Azərbaycana biznes-missiyası nəzərdə tutulub.

“vergiler.az” Rusiya mətbuatına istinadən xəbər verir ki, bu barədə Perm Ticarət və Sənaye Palatasının rəhbəri Vyaçeslav Belov deyib.

Onun sözlərinə görə, cari ildə Belarus və Çin Xalq Respublikasına da biznes missiyalar nəzərdə tutulub. “Biz bu il Belarusa, Azərbaycana səfər etməyi planlaşdırırıq və böyük beynəlxalq biznes-missiya Çinə olacaq. Bu, iyun ayında baş tutacaq”, - V.Belov bildirib.

Palata rəhbəri artıq missiyanın tərkibinin tam formalaşdığını qeyd edib. Onun tərkibinə 33 təşkilat, o cümlədən iri müəssisələr və Perm administrasiyası nümayəndələri daxil olacaq.