3 Mart 2024

VERGİLƏR

SOSİAL-İQTİSADİ ONLAYN QƏZET

Əməkhaqqı və pensiyalarla bağlı yeniliklər gözlənilir

Əmək və əhalinin sosial müdafiəsi naziri Sahil Babayev əməkhaqqı və pensiya sahəsində yeni təkliflər hazırlandığını bildirib: "Azərbaycanın iqtisadiyyatı gücləndikcə, gəlirlər artdıqca ölkə başçısının əsas niyyəti bu gəlirin, ilk növbədə, əhalinin sosial müdafiəsinə yönəldilməsidir. Buna görə də Prezidentin tapşırığı ilə Əmək və Əhalinin Sosial Müdafiəsi Nazirliyi digər aidiyyəti qurumlarla birlikdə həm əmək haqları, həm də pensiya sahəsində yeni təkliflər hazırlayıb. Yaxın günlərdə biz bu təklifləri ölkə başçısına təqdim edəcəyik".

Pensiya sistemində aparılan islahatlara toxunan nazir görülən tədbirlər nəticəsində bir çox sahədə artıq ciddi uğurların əldə olunduğunu bildirib: "Elektron pensiya təyinatına yanvarın 1-dən başlanılıb, qısa müddətdə 11 mindən çox vətəndaşımız tam şəkildə avtomatlaşdırılmış qaydada pensiya təyinatlarını alıblar. İnanırıq ki, sosial müdafiə sisteminin gələcəyi elektron sistemlər üzərindən qurulmalıdır".

S.Babayev sosial sahədə şəffaflığın təmin olunmasına dair işlərin davam etdiriləcəyini deyib: "Aylıq 2 milyon 800 min insana xidmət və ödəniş həyata keçirilir. Burada qəsdən və ya texniki səhvə də yol verə bilərlər. Əgər saxtakarlığa yol verilibsə, hüquqi qiymət verilməsi üçün aidiyyəti qurumlara göndərilir. Qarşıya tələb qoyulur ki, vəsait geri qaytarılmalıdır. Əksər hallarda vəsaitlər təqsirkar vəzifəli şəxslər tərəfindən ödənilir".

Nazir əlavə edib ki, Azərbaycanda pensiya sisteminin inkişafına dair 5 illik fəaliyyət planı hazırlanır. Bunun üçün həm beynəlxalq təşkilatlar, həm də xarici şirkətlər cəlb edilib. Həmin planın önəmli komponentlərindən biri də özəl pensiya fondlarının yaradılmasıdır. Bu cür fondların fəaliyyətinə qanunvericilikdə qadağa olmadığını qeyd edən S.Babayev bu sahənin fəaliyyət mexanizmi, əhatə dairəsi, tətbiq olunması mexanizmi, hüquqi-maliyyə rejimlərinə dair ətraflı araşdırmalar nəticəsində müvafiq normativlərin hazırlanacağını bildirib.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb