Araz Vadisi İqtisadi Zonası Sənaye Parkında İmprotex Qarabağ Sənaye Kompleksi MMC-yə rezident statusu verilib. Şirkət investisiya həcmi 7,3 milyon manatdan çox olan minatəmizləyən, xüsusi təyinatlı texnika və metal məmulatların istehsalı müəssisəsi yaradacaq, 124 nəfəri işlə təmin edəcək.

İqtisadiyyat naziri Mikayıl Cabbarov sosial şəbəkə hesabında bu haqda məlumat paylaşıb.

"Bu müəssisənin yaradılması işğaldan azad edilmiş ərazilərin minalardan təmizlənməsi prosesinə əhəmiyyətli töhfə verəcək və bununla da Böyük Qayıdışı sürətləndirəcək", - nazir əlavə edib.