Bu ilin yanvar-mart ayları ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən 77 daşınmaz əmlak obyektinin texniki pasportu, 220 torpaq sahəsinin planı və ölçüsü tərtib edilərək vətəndaşlara təqdim olunub.

“vergiler.az” Xidmətin məlumatına istinadən xəbər verir ki, 2022-ci ilin müvafiq dövrü ilə müqayisədə idarə tərəfindən hazırlanan mülkiyyət sənədlərinin sayı 27,5 faiz artıb. Texniki sənədlərin hazırlanması üçün əmlaklara yerində baxış keçirilib, 38 bölgü planı hazırlanaraq arxiv sənədlərinə əlavə edilib, 149 müayinə aktı yazılıb.

Bu dövrdə hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 342 müraciət qəbul edilərək icra edilib, müraciətlər əsasında məhdudiyyət və yüklülüyə dair 221, əmlakın olub olmaması ilə bağlı 113 arayış qanunvericiliyə uyğun hazırlanaraq vətəndaşlara təqdim olunub.

44 şifahi müraciətə əsasən əmlaklara baxış keçirilib, qanunvericiliyin tələbləri vətəndaşlara izah olunub.