Təkrar gəlirlər üzrə xarici ölkələrlə aparılan əməliyyatların ümumi həcmi 4,5 milyard ABŞ dolları məbləğində qiymətləndirilib.

“vergiler.az” Azərbaycan Mərkəzi Bankın dərc etdiyi “Tədiyə balansı üzrə” hesabatına istinadən xəbər verir ki, daxilolmalar 3,7 milyard dollar, ödənişlər isə 0,8 milyard dollar təşkil edib.

Təkrar gəlirlər üzrə ümumi daxilolmaların 96,7 faizini xarici ölkələrdən fiziki şəxslərin pul baratları, 2,3 faizini ölkəyə gətirilən humanitar malların və digər yardımların həcmi, 1 faizini isə digər daxilolmalar təşkil edir.

Ölkəyə göndərilən pul baratlarının həcmi 3,2 dəfə artaraq 3,6 milyard dollar, ölkədən köçürülən pul baratlarının həcmi isə 0,5 artaraq 0,7 milyard dollar olub. Nəticədə pul baratları üzrə 2,9 milyard dollar müsbət saldo yaranıb.