3 Mart 2024

VERGİLƏR

SOSİAL-İQTİSADİ ONLAYN QƏZET

Tikinti assosiasiyaları ilə ictimai müzakirə keçirilib

İqtisadiyyat Nazirliyi yanında İctimai Şura iqtisadi sahədə fəaliyyət göstərən ictimai birliklər və assosiasiyalarla müzakirələri davam etdirir. Növbəti belə tədbir Azərbaycanda fəaliyyət göstərən tikinti assosiasiyaları ilə keçirilib.

vergiler.az”ın məlumatına görə, tədbirdə iştirak edən İctimai Şuranın sədri Ədalət Muradov qurumun İqtisadiyyat Nazirliyinin fəaliyyətində ictimai iştirakçılığın təmin edilməsi prosesinə dəstək verdiyini, müxtəlif mövzular üzrə təşkil olunan müzakirələrin dövlət-sahibkar dialoquna töhfə verməklə, bu sahədə əhəmiyyətli platformaya çevrildiyini vurğulayıb. Tədbirdə şuranın assosiasiyaların aidiyyəti qurumlarla kommunikasiya əlaqələrinin qurulması mexanizmləri diqqətə çatdırılıb, normativ hüquqi sənədlər hazırlanarkən inzibati orqanlarla ictimai birliklər arasında əməkdaşlığın əhəmiyyəti qeyd edilib.

Azərbaycan Tikinti Materialları İstehsalçıları Assosiasiyasının sədri Elxan Bəşirov tikinti materiallarının istehsalı sektorunun inkişafı, bu sahədə fəaliyyət göstərən sahibkarların qarşılaşdıqları məsələlər və onların həllində dövlət-özəl əməkdaşlığına dair fikirlərini bölüşüb, qanunvericilik aktlarının hazırlanması zamanı ixtisaslaşmış assosiasiya və ictimai birliklərlə müzakirələrin təşkili, onların təkliflərinin nəzərə alınmasının önəmini vurğulayıb.

“Azərbaycan Tikinti İstehsalçıları Assosiasiyası” Kommersiya Hüquqi Şəxslərinin İttifaqının İdarə Heyətinin sədri Ramiz İsayev ölkədə tikinti materiallarının istehsalı sahəsində mövcud vəziyyət, bu sahədə görülən işlər, beynəlxalq təcrübənin öyrənilməsi və tətbiqi istiqamətində ictimai birliklər tərəfindən şirkətlərə göstərilən hüquqi dəstək tədbirləri barədə məlumat verib.

Qarşılıqlı müzakirələr şəraitində keçən görüşdə tikinti sektorunu təmsil edən ictimai birliklərin təqdimatları olub, dövlət orqanlarının fəaliyyətində vətəndaş cəmiyyəti institutlarının iştirakı, ictimai məsləhətləşmələr və ictimai rəyin nəzərə alınmasının əhəmiyyəti vurğulanıb. Görüşdə İctimai Şura üzvləri ilə əməkdaşlıq istiqamətlərinə dair fikir mübadiləsi aparılıb, təkliflər dinlənilib, suallar cavablandırılıb.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb