20 Aprel 2024

VERGİLƏR

SOSİAL-İQTİSADİ ONLAYN QƏZET

Logistika subsidiyası ixrac potensialını artıracaq

"Made in Azerbaijan" brendinin təşviqi məqsədilə ixracatçılara logistika subsidiyasının verilməsi ilk növbədə ölkəmizin ixrac potensialının artmasına gətirib çıxaracaq.

Bunu “vergiler.az”a Azərbaycan Dövlət İqtisad Universitetinin dosenti Emin Qəribli deyib.

Onun sözlərinə görə, ixracın stimullaşdırılmasına xidmət edən bu yeniliyin tətbiqi “Made in Azerbaijan" brendi altında istehsal edilən məhsulların rəqabət qabiliyyətinin artmasına səbəb olacaq: “Dünya iqtisadiyyatının hazırkı ağır dönəmində belə bir addımın atılması ixracatımıza müsbət təsir edəcək. Digər tərəfdən, Azərbaycanın ərazisindən nəqliyyat dəhlizləri keçir və logistika subsidiyasının verilməsi ərazimizdən keçən tranzit yüklərin qiymətlərinin enməsinə gətirib çıxaracaq. Bu, bizim tranzit mövqeyimizi və rəqabət qabiliyyətimizi artıracaq. Hesab edirəm ki, bu, çox vacib, dayanıqlı inkişafımızı təmin edəcək bir məqamdır”.

İqtisadçı alimin fikrincə, ilkin dövrdə subsidiyaların verilməsi mərhələli ola bilər. Yükdaşımanın dövriyyəsi artdıqca, dünya iqtisadiyyatında baş verən proseslərə uyğun olaraq, subsidiyalar da artacaq.

Xatırladaq ki, Azərbaycan Respublikasının İxracın və İnvestisiyaların Təşviqi Agentliyi (AZPROMO) "Made in Azerbaijan" brendinin təşviqi mexanizmlərinə əlavə və dəyişikliklər edilməsi üçün təkliflər hazırlayır. Təkliflərə əsasən, işğaldan azad edilmiş ərazilərdə fəaliyyət göstərəcək ixracatçılar üçün logistika subsidiyasının müddətinin 10, digər ərazilərdə 5 il olması nəzərdə tutulur. Mexanizmin tətbiqi zamanı məhsul üzrə çeşidlənmə nəzərdə tutulub. Ən önəmli çeşidlənmə isə ölkələr üzrə olacaq. Təkliflər qəbul olunarsa, bu ilin ikinci yarısından yeni mexanizm təqdim edilə bilər.

VergiMikro sahibkarlıq subyektlərinə hansı güzəşt tətbiq edilir? Vergi“Vergi və hesabatlılıq” işçi qrupunun videokonfrans formatında iclası keçiriləcək VergiNaxçıvanda 1,5 mindən çox yeni vergi ödəyicisi qeydiyyata alınıb VergiMüharibə veteranı adı almış fiziki şəxslərə hansı vergi güzəşti tətbiq olunur? VergiƏDV-nin müvafiq hissəsi geri qaytarılmadıqda nə etməli? VergiOnlayn ticarətlə məşğul olan fiziki şəxsin hansı vergi öhdəlikləri yaranır? VergiYeni nəsil NKA-lar vasitəsilə dövriyyə 5,3 mlrd. manatdan çox olub VergiMənzil alınarkən ƏDV-nin geri qaytarılması bütün MTK-lara şamil olunur? VergiHansı vergi ödəyiciləri sadələşdirilmiş verginin ödəyicisi ola bilməz? Vergiİtirilmiş istifadəçi kodu, parol və şifrənin bərpası hansı qaydada mümkündür?