28 Mart 2024

VERGİLƏR

SOSİAL-İQTİSADİ ONLAYN QƏZET

Raffael Marçetti: “İtaliya Azərbaycan məhsullarının ən böyük alıcılarından biridir”

Azərbaycan-İtaliya iqtisadi əlaqələrinin səviyyəsi bu gün çox yüksək səviyyədədir. Bunu “vergiler.az”a İtaliya Siyasi Elmlər Departamentinin və LUISS Dövlət İdarəçilik Məktəbinin beynəlxalq əlaqələr üzrə rektor müavini, Avropa Komissiyasının kənar eksperti, professor Raffael Marçetti deyib.

Onun sözlərinə görə, bu münasibətlərin əsas seqmentini enerji sektoru təşkil edir. “İtaliya Azərbaycan məhsullarının böyük, hətta ən böyük alıcılarından biridir və bu, bizim ikitərəfli əlaqələrimizi son dərəcə əhəmiyyətli edir”, - R.Marçetti deyib.

Ekspertin qənaətincə, İtaliya ilə Azərbaycan sənaye, təhlükəsizlik və təhsil sahələrində də fəal əməkdaşlıq edir. Bu, iki ölkəni bir-birinə daha da yaxınlaşdırır. Əslində, çoxtərəfli, strateji tərəfdaşlıq hər iki ölkə üçün böyük əhəmiyyət kəsb edir.

Rusiya-Ukrayna münaqişəsi fonunda Avropanın enerji təhlükəsizliyi baxımından Azərbaycanın əhəmiyyətinə diqqət yönəldən ekspert deyib: “İtaliya ilə tərəfdaşlıqda bu faktor çox aktual olacaq, çünki İtaliya bütün Avropa üçün qaz mərkəzi kimi tanınır. Beləliklə, Azərbaycan qazı İtaliya vasitəsilə bütün Avropaya göndəriləcək”.

Ekspert vurğulayıb ki, bu həm Azərbaycan, həm də İtaliya üçün yeni və son dərəcə aktual imkandır: “Bu mənada, İtaliya ilə Azərbaycan arasında tərəfdaşlıq bütün Avropanın təhlükəsiz və fasiləsiz enerji təchizatına şərait yaratmaq üçün zəruridir”.

Tamilla MƏMMƏDOVA

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb