İqtisadi Zonaların İnkişafı Agentliyinin (İZİA) idarəçiliyində olan Sumqayıt Kimya Sənaye Parkının rezidenti “Azertexnolayn” MMC ABŞ-a (Miçiqan ştatına) ilk dəfə olaraq, aqrotexnikalar üçün ehtiyat hissə (yedək parça) ixrac edib.

İZİA-dan “vergiler.az”a verilən məlumata görə, bu ölkəyə ilkin mərhələdə 36,3 ton məhsul göndərilib.

Qeyd edək ki, "Azertexnolayn" MMC müxtəlif diametrli polad borular, yüksək təzyiqə davamlı hidrotexniki avadanlıqlar, xüsusi təyinatlı polietilen borular olmaqla, ümumilikdə 60-dan çox çeşiddə məhsul istehsal edir. Müəssisənin məhsulları daxili bazara satılmaqla yanaşı, dünyanın 20-dən çox ölkəsinə ixrac edilir.