Bu ilin yanvar ayında Gürcüstanla Azərbaycan arasında ticarət dövriyyəsi ötən ilin eyni ayına nisbətdə 2,7 faiz azalaraq 120 435,8 min ABŞ dolları təşkil edib.

“vergiler.az”ın Gürcüstan Milli Statistika İdarəsinin hesabatı əsasında apardığı hesablamalara görə, cari ilin ilk ayında Gürcüstandan Azərbaycana 51 937,4 min dollar dəyərində məhsul ixrac edilib ki, bu da 2022-ci ilin yanvar göstəricisini 11 faiz üstələyir. Hesabat ayında Azərbaycandan Gürcüstana idxal isə 11 faiz azalaraq 68 498.4 min dollar olub.

2023-cü ilin yanvar ayı üzrə Gürcüstanın ümumi xarici ticarət dövriyyəsində ilk on ticarət tərəfdaşının payı 68,4 faiz təşkil edib. Azərbaycan bu siyahıda Rusiya (263 579,0 min dollar) və Türkiyədən (196 086,3 min dollar) sonra üçüncü yerdə qərarlaşıb.