İlin əvvəlindən Stavropol diyarından 9,115 min ton un ixrac olunub ki, bu da ötən ilin müvafiq dövrünün göstəricisini 13 faiz üstələyir.

"vergiler.az" Rusiyanın Baytarlıq və Fitosanitar Nəzarəti üzrə Federal Xidmətinin ("Rosselxoznadzor") məlumatına istinadən xəbər verir ki, hesabat dövründə ən çox un tədarükü Azərbaycanın payına düşüb. Ölkəmizə 3086 min ton buğda unu göndərilib.

İri həcmli tədarüklər həm də Ermənistanın (1,724 min ton), Gürcüstanın (1,281 min ton), Əfqanıstanın (767,5 ton) və Türkmənistanın (405,6 ton) payına düşüb.

İraqa müxtəlif növ bitki unu ixrac edilir. Son bir ayda bu Yaxın Şərq ölkəsinə 1,3 min ton buğda, 267,2 ton arpa və 100 ton darı unu çatdırılıb.

Kiçik partiyalarla Belarusa 13 ton qarğıdalı unu, Türkiyəyə 44 ton buğda unu, ABŞ-a isə 25 ton buğda unu göndərilib.