26 Sentyabr 2022

VERGİLƏR

SOSİAL-İQTİSADİ ONLAYN QƏZET

Yerli və xarici sərmayələr regionlara yönəldilir

Prezident İlham Əliyevin Çinə səfəri zamanı imzalanmış 10 müqavilə çərçivəsində milyonlarla dollarlıq investisiyanın əhəmiyyətli hissəsi məhz regionlara yönəldiləcək. Müqaviləyə əsasən, Azərbaycanın bir neçə regionunda, o cümlədən Kürdəmir rayonunda və Sumqayıt şəhərində yeni müəssisələr tikiləcək.

İqtisadçı ekspert Vüqar Bayramov yeni hazırlanan iqtisadi inkişaf strategiyasının əsas hədəfləri barədə danışarkən sənayeləşmənin regionlara transfer edilməsini vurğulayıb. Onun sözlərinə görə, yaxın illərdə bir neçə regionda sənaye müəssisələrinin yaradılması, xüsusilə bölgələrdə işsizliyin aradan qaldırılması və bütövlükdə iqtisadi layihələrin məşğulluğa təsir imkanlarının artırılması proqnozlaşdırılıb: "Çünki regionlarda işsizlik səviyyəsi daha yüksəkdir və nəzərdə tutulur ki, regionlarda yeni müəssisələrin yaradılması ilə işçi qüvvəsinin bölgələrdən Bakıya axınının qarşısı alınsın".

Ekspert bildirib ki, ölkə Prezidentinin xarici səfərlərində imzalanmış müqavilələrdə də regionlarda yeni istehsal müəssisələrinin tikintisi, iş yerlərinin yaradılması prioritet kimi qalır. Bu isə dövlətin iqtisadi gücünün artırılması üçün çox vacibdir: "Yeni müəssisələrin yaradılması, məşğulluğun dəstəklənməsi, əlavə iş yerləri həm dövlətin gəlirlərini artırır, həm də vətəndaşların sosial təminatını gücləndirir. Sənayeləşmənin regionlara doğru genişlənməsi nəticə etibarilə daha çox yeni iş yerlərinin yaradılması və məşğulluğun daha yaxşı təmin olunmasına imkan verəcək ki, bu da regionlarda işsizliyin aradan qaldırılması baxımından çox vacibdir".

Elxan SALAHOV

İqtisadiyyatSənaye parklarının ixracda rolu artır VergiNağdsız ödənişlər: faydalı, sərfəli və rahat VergiVergi siyasətində rəqəmsallaşma faydalı nəticələr verir İqtisadiyyatRüfət Bayramov: “Yeni sazişin icrası nəticəsində yükdaşımaların həcmində ən azı üçqat artım gözlənilir” Ekspert RəyiEzamiyyə xərcinin günlük norma əsasında hesablanması VergiAzərbaycanın yeni iqtisadi inkişaf strategiyası və vergi islahatları Vergi“Transfer qiymətlərinin müəyyən edilməsi və tətbiqi qaydaları”nda dəyişikliklər edilib VergiRezidentin xarici elektron pul kisəsindən yerli bank hesabına pul köçürülərkən vergi tutulurmu? VergiƏsasnaməyə edilmiş dəyişikliklər işçilərin mənafeyinə xidmət edir Ekspert RəyiEzamiyyətdə olan işçinin əməkhaqqı necə hesablanır?