“vergiler.az” xəbər verir ki, bu barədə Azərbaycan Banklar Assosiasiyasının rəhbəri Zakir Nuriyev məlumat verib. Bildirilib ki, bu dövrdə kreditlərin həcmi 23% artaraq 19,2 milyard manat olub. Burada biznes kredirlərinin payı isə 10,8 milyard manata çatıb:

"Əhalinin banklarda əmanətləri isə özünün inkişaf dövründə ən yüksək artım tempi nümayiş etdirib. Əmanətıərin həcmi 27 faiz artaraq artıq 11 milyard manat həddinə yaxınlaşıb. Əhali əmanətlərinin dollarlaşma əmsalı isə bu dövr ərzində 39,2 faiz təşkil edib ki, bu da ötən dövrə nisbətən 4,4 faiz, bütövlükdə bizim depozit bazamızda olan dollarlaşma əmsalından isə 10 bənd aşağı göstəriciyə gəlib çatıb. Bankların balans kapitalı ötən dövr ərzində 10 faiz artaraq artıq 5,3 milyard manata çatıb. Bu ilin doqquz ayında banklarımızın toplam mənfəəti artaraq 1 milyard manata yaxınlaşıb. Bankların xalis mənfəəti isə 683 milyon manata çatıb. Bu da keçən ilin eyni dövrü ilə müqayisədə 35 faizdən artıqdır".