Rusiyanın Kirov vilayətinin müəssisələri Azərbaycana ixracı genişləndirə biləcəklər.

“vergiler.az” Rusiyanın Kirov vilayətinin yerli mətbuatına istinadən xəbər verir ki, bu barədə Rusiya Federasiyasının Azərbaycandakı ticarət nümayəndəliyi ilə sənayeçilərin görüşü çərçivəsində müzakirələr aparılıb.

Görüşdə Kirov vilayəti müəssisələrinin, İxraca Dəstək Mərkəzinin və Rusiya Xarici İşlər Nazirliyinin Nijni Novqoroddakı nümayəndəliyinin Kirov şöbəsinin nümayəndələri iştirak ediblər.

Regional Sənaye və Ticarət Nazirliyindən qeyd edilib ki, Kirov sənayeçiləri Azərbaycanı ağac və ağac məmulatları, gübrələr, mebel, qənnadı məmulatları, həmçinin rezin və alüminium məhsulları ilə təmin edə bilərlər. Görüş zamanı iştirakçılara Azərbaycan bazarına daxil olmağın xüsusiyyətləri barədə ətraflı məlumat verilib.