22 Noyabr 2026
SOSİAL-İQTİSADİ ONLAYN QƏZET
Azərbaycan İspaniyanın ixrac bazarlarına daxil ola bilər

Azərbaycan İspaniyanın ixrac bazarlarına daxil ola bilər

Azərbaycanın xurma ixracatçılarının İspaniyanın ixrac bazarlarına daxil olması üçün əlverişli imkan yaranıb.

Bunu “Azərbaycan iqtisadiyyatı” Teleqram kanalına Azərbaycan Xurma İstehsalçıları və İxracatçıları Assosiasiyasının (AXİİA) sədri Qadir Yusifov deyib.

Onun sözlərinə görə, illik 500 min tondan cox xurma istehsal edən, dünyanın ən böyük xurma ixracatçısı olan İspaniyada bu il baş verən quraqlıq və güclü külək səbəbindən xurmalar çox keyfiyyətsiz yetişib və ixrac üçün yararsız olub: “İspaniya Avropa, Afrika, ərəb ölkələri, Belarus, Rusiyaya öz məhsullarını satırdı. Bu il İspaniyada məhsulun keyfiyyətsiz olması onun öz ixrac bazarlarını müəyyən qədər itirməsinə səbəb olacaq. Bu isə imkan verir ki, bizim ixracatçılar İspaniyanın itirdiyi həmin dövlətlərin, xüsusilə Avropa və ərəb ölkələrinin bazarına daxil olsun”.

Q.Yusifov hazırda Azərbaycan sahibkarlarının yalnız Rusiyaya xurma ixrac etdiklərini açıqlayıb.

Xatırladaq ki, 2021-ci ildə Azərbaycan xurma məhsulunun ixracında Çini geridə qoyaraq İspaniyadan sonra dünyanın ikinci ən böyük xurma ixracatçısı olub. Ötən il Azərbaycandan 125,9 milyon ABŞ dolları dəyərində xurma ixrac olunub. Bunun nəticəsində dünya bazarında ixracatdakı payımız 2020-ci ildəki 13%-dən 2021-ci ildə 20%-ə yüksəlib.

VergiFiziki şəxs öz adına olan VÖEN-i necə ləğv edə bilər? VergiXarici filmlərin yerli kinoteatrlarda nümayişindən əldə edilən gəlirlər hansı formada vergiyə cəlb olunur? VergiFiziki şəxs vergi ödəyicisi olmasını necə dəqiqləşdirə bilər? VergiFiziki şəxs vergi borcunun olub-olmamasını necə öyrənə bilər? VergiŞəxsi istifadə üçün silinən mallara görə vergi öhdəlikləri necə hesablanır? Vergi“YouTube”dan gəlir əldə edən şəxsin hansı vergi öhdəliyi və güzəştləri var? VergiƏmlakın əvvəlki sahibinin ödənilməmiş vergi borcu yeni mülkiyyətçiyə aid edilə bilərmi? Vergiİnvestorun xarici şirkətdən əldə etdiyi dividend gəliri hansı qaydada vergiyə cəlb olunur? VergiÖzəl sektorda çalışan işçilərin gəlirlərinin vergiyə cəlb olunması VergiMəişət mallarının satışı ilə məşğul olan fərdi sahibkarın dövriyyəsi artdıqda ƏDV qeydiyyatına alınmalıdırmı?