Pandemiya ilə əlaqədar yaranan fasilədən sonra 19-cu Azərbaycan Beynəlxalq Turizm və Səyahətlər “AITF 2023” sərgisi aprelin 25-dən 27-nə kimi Bakı Ekspo Mərkəzində öz qapılarını yenidən açacaq.

“Caspian Event Organisers” şirkətindən “Vergiler.az”a verilən məlumata görə, sərgi dünyanın müxtəlif yerlərindən şirkətləri bir araya gətirəcək. Belarus, Xorvatiya, Polşa və digər ölkələr sərgidə milli stendlərlə iştirak edəcəklər.

Sərgidə təhsil turizmi, xaricdə əmlak, idman turizmi, turizmdə İT texnologiyaları, ovçuluq və balıqçılıq, kruiz sənayesi, aviaşirkətlər, milli və regional turizm orqanları, nazirliklər, səfirliklər, səyahət agentlikləri və turoperatorlar və s. kimi bir sıra sektorlar nümayiş olunacaq.