Noyabrın 3-dən 5-dək Bakıda Nijni Novqorod sahibkarlarının biznes missiyası təşkil olunacaq.

“Vergiler.az” xəbər verir ki, bu barədə vilayətin qubernatoru və hökumətinin mətbuat xidməti məlumat yayıb.

Sənaye, ticarət və sahibkarlıq naziri Maksim Çerkasovun sözlərinə görə, Azərbaycan Nijni Novqorod şirkətləri üçün məşhur xarici ticarət məkanıdır.

Son bir ildə respublikaya qeyri-xammal ixracının həcminin təxminən iki dəfə artaraq 78,1 milyon ABŞ dolları təşkil etdiyini deyən M.Çerkasov Nijni Novqorod vilayətinin ənənəvi olaraq dərman preparatları, polad, buğda və s. tədarük etdiyini bildirib.

Biznes missiyasının iştirakçılarının Azərbaycan şirkətləri ilə B2B danışıqlarının aparması, dövlət orqanlarının nümayəndələri ilə görüşləri, ölkənin ən iri müəssisələrinə baş çəkmələri planlaşdırılır.