Bu ilin yanvar-sentyabr ayları ərzində Dövlət Gömrük Komitəsinin (DGK) xətti ilə dövlət büdcəsinə 4.227.449 min manat daxil olub ki, bu da ötən ilin müvafiq dövrü ilə müqayisədə 32,4% çoxdur.

"Vergiler.az"ın Komitənin dərc etdiyi göstəricilər əsasında apardığı hesablamalara görə, hesabat dövründə dövlət büdcəsinə daxil olan gömrük rüsumlarının həcmi ötən ilin analoji dövrü ilə müqayisədə 4,1% artaraq 1.024.384 min manat təşkil edib.

ƏDV üzrə daxilolmalar isə 39,8% artaraq 3.034.744,4 min manata bərabər olub. Aksizlər üzrə cari ilin ilk doqquz ayında daxilolmalar 0,5% artaraq 121.204,4 min manat təşkil edib.

Yol vergisi üzrə daxilolmaların həcmi 47.115,9 min manat təşkil edib ki, bu da ötən ilin analoji dövründə qeydə alınan göstəricidən 48,6% çoxdur.

Bu ilin sentyabr ayında Komitənin xətti ilə dövlət büdcəsinə 460.388,2 min manat həcmində vergi və rüsumlar daxil olub ki, bu da 2021-ci ilin eyni ayı ilə müqayisədə 20,1% çox, bu ilin avqust ayı ilə müqayisədə isə 38,3% azdır.

Bu ilin sentyabr ayı ərzində dövlət büdcəsinə daxil olan gömrük rüsumlarının həcmi ötən ilin eyni ayı ilə müqayisədə 10,2% artaraq 118 613,3 min manat olub. Bu ilin avqust ayı ilə müqayisədə isə bu göstərici həmçinin 24,6% azalıb.

Bununla yanaşı, cari ilin sentyabr ayı ərzində ƏDV üzrə daxilolmalar ötən ilin eyni ayı ilə müqayisədə 24,8% artaraq 321 869,7 min manat (bu ilin avqust ayı ilə müqayisədə 42,6% az), aksizlər üzrə 5,1% artaraq 14 878,6 min manat (avqust ilə müqayisədə 29% az), yol vergisi üzrə daxilolmalar isə 39,5% artaraq 5 026,6 min manat (avqust ilə müqayisədə 30,2% az) təşkil edib.