Altı ayda kreditlər və ssudalar üzrə xalis maliyyə aktivləri 30,3 milyon dollar artıb, xalis maliyyə öhdəlikləri isə 754,3 milyon dollar azalıb.
Mərkəzi Bankdan verilən məlumata görə, kreditlər və ssudalar üzrə xalis maliyyə öhdəlikləri bank sektorunun kreditləri (30,4 milyon dollar) hesabına artıb, neft-qaz sektorunun kreditləri (387,5 milyon dollar), dövlət kreditləri (173,9 milyon dollar), dövlət zəmanətli kreditlər (188,1 milyon dollar) və müəssisələrin kreditləri (35,2 milyon dollar) hesabına isə azalıb. Depozitlər və nağd valyuta üzrə xalis maliyyə aktivləri 1,7 milyard dollar, xalis maliyyə öhdəlikləri isə 0,4 milyard dollar artıb.