8 Fevral 2023

VERGİLƏR

SOSİAL-İQTİSADİ ONLAYN QƏZET

İxtisasca mühasib olmayanlar baş mühasib vəzifəsini icra edə bilməyəcəklər

Milli Məclisin plenar iclasında İnzibati Xətalar Məcəlləsinin 462-ci maddəsinə (Mühasibat uçotu üzrə qanunvericiliyin pozulması) edilən dəyişikliyə əsasən, büdcə təşkilatlarının rəhbərləri mühasib olmayan şəxsləri baş mühasib vəzifəsinə təyin etdiyi təqdirdə cərimələnəcəklər.

Bununla bağlı İnzibati Xətalar Məcəlləsinin 462-ci maddəsinə yeni bənd əlavə olunub. Beləliklə, paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri sahibkarlıq subyektərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin rəhbərləri tərəfindən peşəkar mühasib olmayan şəxslərin baş mühasib vəzifəsinə təyin edilməsinə, habelə peşəkar mühasib olmayan şəxslərə baş mühasib vəzifəsinin icrasına görə vəzifəli şəxslər 300 manatdan 400 manatadək məbləğdə cərimələnəcəklər.

Milli Məclis Aparatının İnzibati və hərbi qanunvericilik şöbəsinin müdir müavini Səyyad Kərimov bunun hansı zərurətdən irəli gəldiyini açıqlayıb. Onun sözlərinə görə, mühasibat maliyyə ilə bağlı sahə olduğuna görə, bu işlərlə yalnız həmin ixtisası bilən adamların məşğul olması daha məqsədəuyğundur: "Məcəlləyə dəyişikliyin edilməsi qeyri-qanuni fəaliyyətin, vergi, maliyyə ilə bağlı anlaşılmazlıqların aradan qaldırılması məqsədi daşıyır. İstənilən peşə ilə peşəkar səviyyədə məşğul olmaq lazımdır. Əgər adamın bu peşə ilə bağlı təhsili, hər hansı sertifikatı yoxdursa, deməli, qanunverciliklə müəyyən edilən standartlara, tələblərə cavab vermir. O zaman bu şəxslərlə işləmək çətinləşir".

Qeyd olunub ki, peşə ilə bağlı qayda-qanun yaratmaq, fəaliyyətin qanunvericiliyin tələbələrinə uyğun həyata keçirilməsini təmin etmək baxımından, müəyyən edilmiş tələblərə cavab verən şəxslərin uyğun işlə məşğul olması məqsədəuyğundur.

Fərqanə ALLAHVERDİQIZI

VergiNağdsız qaydada alınmış mənzilə görə ƏDV-nin bir hissəsi hansı şərtlərlə qaytarılır? VergiMüəssisəyə məxsus əmlakın üçüncü şəxsə bağışlanması zamanı hansı vergi öhdəliyi yaranır? MüsahibələrKayl İnan: “Azərbaycanda müxtəlif sektorlarda 200-dən çox ABŞ şirkəti təmsil olunur” MÜSAHİBƏ SosialƏmək məzuniyyəti dövrü bayram günlərinə düşən işçinin məzuniyyətinin rəsmiləşdirilməsi İqtisadiyyatRossen Hristov: “Bolqarıstan və Azərbaycan Avropanın enerji təhlükəsizliyini təmin edən tərəfdaşlardır” VergiVergi qanunvericiliyində məşğulluq və əmlak deyəndə nə nəzərdə tutulur? VergiFəaliyyəti olmayan vergi ödəyiciləri maliyyə sanksiyasından azad edilib İqtisadiyyatViktor Orban: "Azərbaycanın Avropaya enerji nəqlinə sadiqliyini çox yüksək qiymətləndiririk" İqtisadiyyatPrezident İlham Əliyev: “Biz Qarabağ bölgəsində yenidənqurma işlərində macar şirkətlərini görməyi ümid edirik” VergiSatış məqsədilə alınan əmlak əsas vəsaitlər kateqoriyasına aid edilirmi?