Ölkəmizdə həyata keçirilən islahatların, həmçinin sahibkarların ölkə iqtisadiyyatına verdiyi töhfənin nəticəsi olaraq son 18 ildə Azərbaycan iqtisadiyyatı 3,4 dəfə böyüyüb.

Bunu iqtisadiyyat nazirinin müavini Niyazi Səfərov “Partners and Business” sərgisinin açılış mərasimində bildirib.

Ölkə üzrə fəaliyyət göstərən sahibkarlıq subyektlərinin 99 faizini KOB subyektlərinin təşkil etdiyini söyləyən nazir müavini deyib: “Bu, kiçik və orta sahibkarlığın ölkədə böyük potensiala malik olduğunu göstərir. Cari ilin göstəricilərinə görə, ölkədə indiyədək qeydiyyata alınmış hüquqi sahibkarların sayı 170 mindən çox, fərdi sahibkarların sayı isə 940 təşkil edib. Bu rəqəmlər sahibkarlıq sahəsində inkişafın əsas göstəriciləridir”.