25 May 2024

VERGİLƏR

SOSİAL-İQTİSADİ ONLAYN QƏZET

Qəbələdə biznes təlimləri başa çatıb

“Gənclərin biznes emalatxanası” layihəsi çərçivəsində Qəbələ rayonunda peşə təhsili alan sonuncu kurs tələbələrinin iştirakı ilə keçirilmiş biznes təlimlər başa çatıb.

Qəbələ Dövlət Peşə Təhsil Mərkəzində keçirilən və üç həftə davam etmiş təlimlərdə gənclər KOBİA-nın Yevlax KOB İnkişaf Mərkəzinin ekspertlərinın mentorluğu ilə biznesə başlamaq, sahibkarlığın əsasları, satış, marketinq və s. mövzularda ilkin biznes biliklərinə yiyələniblər. Ümumilikdə təlimlərdə Qəbələ Dövlət Peşə Təhsil Mərkəzinin sonuncu kursunda təhsil alan 158 nəfər gənc iştirak edib.

Qeyd edək ki, “Gənclərin biznes emalatxanası” layihəsi Kiçik və Orta Biznesin İnkişafı Agentliyi (KOBİA), Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi və Təhsil Nazirliyi yanında Peşə Təhsili üzrə Dövlət Agentliyi tərəfindən birgə həyata keçirilir. Layihənin məqsədi peşə təhsili alan gənclərin biznes bacarıqlarının inkişaf etdirilməsi və sahibkarlıq fəaliyyətinə təşviq olunması, özünüməşğulluğunun təmin edilməsi, mikro və kiçik sahibkarlar arasında peşə təhsili almış gənclərin sayının artırılması, yeni biznes təşəbbüslərinin dəstəklənməsi, peşə təhsilinə marağın artırılmasıdır. Layihə ilkin olaraq Cəlilabad, Ağdam və Qəbələ rayonlarında həyata keçirilib. Layihə bitkiçilik və heyvandarlıq, turizm, xalçaçılıq, aqrotexniki xidmətlər, dülgər, dərzi, çilingər, aşpaz, şirniyyatçı və qaynaqçı kimi sahələri əhatə edir. Layihə çərçivəsində biznes və peşə təlimlərini uğurla başa vuran gənclərin müvafiq avadanlıqlarla təmin olunması nəzərdə tutulur.

VergiGünlük kirayə verilən evlərə görə nə qədər vergi ödənilməlidir? VergiVergiləri onlayn qaydada necə ödəyək? VergiFiziki şəxsin icarədən gəlirləri hansı formada vergiyə cəlb olunur? VergiPərakəndə satış təşkil edən sahibkar kassa aparatı quraşdırmalıdırmı? VergiHüquqi şəxsin ünvan dəyişikliyi VergiƏfqanıstan müharibəsi veteranının həyat yoldaşına vergi güzəşti tətbiq olunurmu? Vergiİpoteka ilə alınan daşınmaz əmlaka görə ƏDV-nin geri qaytarılması VergiRepetitorluq xidməti göstərən fiziki şəxs vergi uçotuna necə alınır? VergiXarici ölkədə ödənilmiş vergilər Azərbaycanda nəzərə alınırmı? VergiFiziki şəxsin vergi orqanında uçota alınması vaxtı