12 Avqust 2022

VERGİLƏR

SOSİAL-İQTİSADİ ONLAYN QƏZET

Elman Cavanşir: Hazırda digər mümkün ixrac bazarları da araşdırılır

“Azərbaycanda tütün məmulatlarının ixracının stimullaşdırılması ölkəyə il ərzində əlavə olaraq 50 milyon dollardan çox xarici valyuta gəlməsini təmin edə bilər”.

Bunu “Tabaterra” Qapalı Səhmdar Cəmiyyətinin direktoru Elman Cavanşir “Azərbaycan iqtisadiyyatı” "Teleqram" kanalına deyib.

Onun sözlərinə görə, “Tabaterra”nın illik ixrac potensialı 5 milyard ədəd siqaret təşkil edir. Bu potensialın, eləcə də Azərbaycanda fəaliyyət göstərən digər tütün məmulatları istehsalçılarının ixrac potensialının tam olaraq reallaşması üçün tütün məmulatlarının ixracı stimullaşdırıla bilər.

E.Cavanşir bütün dünyada tütün məmulatlarının istehlakının azalması nəticəsində rəqabətin daha da sərtləşdiyini nəzərə alaraq, belə hesab edir ki, bu sahədə ixracatın stimullaşdırılması yerli müəssisələrin dünya miqyasında rəqabətədavamlılığını möhkəmləndirəcək: “Bu, eyni zamanda həmin müəssisələrdə yeni iş yerlərinin yaradılmasını, yerli xammal kütləsinin ümumi dəyər zəncirində payının artmasını və ən əsası, ölkəmizə illik olaraq 50 milyon dollardan çox xarici valyuta axınının gəlməsini təmin edə bilər. Bu isə öz növbəsində qeyri-neft sektorunun ixrac həcmində 2% artım deməkdir”.

“Tabaterra”nın illik ixrac potensialı 5 milyard ədəd siqaret təşkil edir.

E.Cavanşir əlavə edib ki, “Tabaterra”nın “Made in Azerbaijan” devizi altında istehsal olunan məhsulları beynəlxalq tərəfdaşları olan BAT şirkəti ilə imzalanmış müqavilə əsasında Gürcüstana ixrac edilir. Hazırda şirkət tərəfindən digər mümkün ola biləcək ixrac bazarları da araşdırılır.

Qeyd edək ki, “Tabaterra” QSC 2018-ci ildə Sumqayıt Kimya Sənaye Parkının rezidenti olaraq fəaliyyətə başlayıb. Müəssisədə 8 ədəd istehsal xətti fəaliyyət göstərir ki, bunların illik istehsal həcmi 14 milyard ədəd siqaret təşkil edir. Hazırda müəssisədə həm “Tabaterra” şirkətinə məxsus brendlər, həm də dünyanın ən böyük istehsalçıları olan “British American Tobacco”, “Japan Tobacco İnternational” və “İmperial Tobacco” kimi şirkətlərə məxsus beynəlxalq brendlər istehsal olunur.

VergiQeyri-rezidentin yerli müəssisəyə ödədiyi borc Azərbaycan mənbəyindən əldə olunmuş gəlir hesab edilirmi? VergiMikro sahibkarlıq subyektlərində gəlirin müəyyən edilməsi Ekspert RəyiCari vergiləri hesablayarkən nələrə diqqət yetirilməlidir? Ekspert RəyiVergi mükəlləfiyyətinin dəyişdirilməsi zamanı qarşıya çıxan məsələlər VergiƏsas vəsaitlərin təmirinə çəkilən xərclər hansı qaydada gəlirdən çıxıla bilər? Ekspert RəyiFiziki şəxslərin əməkhaqqından gəlir vergisinin tutulması İqtisadiyyatSahibkarlığa dövlət dəstəyi davam etdirilir VergiVergi islahatları sağlam və rəqabətli biznes mühitinə dəstək verir VergiVergi islahatları: şəffaflıq, dürüstlük, hesabatlılıq VergiSəmərəli vergi siyasəti vergi daxilolmalarının artımına zəmin yaradır