15 İyun 2024

VERGİLƏR

SOSİAL-İQTİSADİ ONLAYN QƏZET

"Ağcabədi taxıl Aqropark" istehsal həcmini artırmağı planlaşdırır

Ölkə üçün çox əhəmiyyətli və strateji məhsul sayılan buğda, arpa, qarğıdalı və pambıq məhsullarının istehsalı ilə məşğul olan “Ağcabədi taxıl Aqropark” ötən illə müqayisədə bu il istehsal həcmini təxminən 10 faiz artırmağı planlaşdırır.

Aqroparkın icraçı direktoru Elman Kərimov bildirib ki, 2022-ci il ərzində 6428 ton arpa, 3582 ton buğda, 11084,4 ton qarğıdalı, 1864 ton pambıq, 61580 ton silos istehsalı proqnozlaşdırılır: “Əsas profilimiz ikili əkin - pambıq və qarğıdalı istehsalıdır. Buna görə də pambıq və qarğıdalı istehsalını artırmağı planlaşdırırıq. Hazırda qarğıdalı bu növ məhsulun yetişdirilməsi üçün ən əlverişli ərazilərdən olan Ağcabədi rayonunda becərilir”.

E.Kərimovun sözlərinə görə, aqropark hazırda yalnız bərk buğda növü istehsal edir ki, bu da makaron istehsalı üçün yararlıdır. Gələcəkdə isə çörək üçün yararlı olan buğda növünün istehsalının təşkili də planlaşdırılır.

İcraçı direktor qeyd edib ki, qarşılarında dayanan ən əsas məqsəd daxili bazarın tələbatını ödəmək, istehlakçıları keyfiyyətli və ekoloji cəhətdən təmiz məhsulla təmin etməkdir. Aqropark yerli bazarı məhsulla tam təmin etdikdən sonra ixracla bağlı planlar üzərində çalışacaq.

Qeyd edək ki, aqroparkın ümumi sahəsi 3 min, faktiki əkin sahəsi 1368 hektardır. Ümumi dəyəri 35 milyon manat olan aqroparkın yaradılmasına İqtisadiyyat Naziriliyinin Sahibkarlığın İnkişafı Fondu tərəfindən 9,8 milyon manat güzəştli kredit verilib.​

VergiƏDV-dən azadolunma haqqında e-sertifikat kimlərə verilir? VergiSəhiyyə müəssisəsinə ianə edilən vəsaitlərə vergi güzəşti VergiMövsümi turizm fəaliyyəti ilə məşğul olan fiziki şəxsin vergi öhdəlikləri VergiTəhvil-təslim aktı itirildiyi halda alıcı həmin məbləğdən imtina edə bilərmi? VergiVergi ödəyicisi xarici ölkədəki bank hesabı ilə əməliyyatlar apardıqda hansı sanksiya ilə üzləşə bilər? VergiSosial şəbəkədən gəlir əldə edən şəxslərin vergi öhdəliyi VergiVergi uçotuna durmayan fiziki şəxsin məsuliyyəti VergiKənd təsərrüfatı məhsulları idxal edən vergi ödəyicisi ƏDV-ni necə əvəzləşdirə bilər? VergiFəaliyyəti olmayan fiziki şəxs VÖEN-ni necə dayandıra bilər? VergiTaksi fəaliyyəti ilə məşğul olan fiziki şəxslərin vergi və sosial ödənişləri