2 Oktyabr 2023

VERGİLƏR

SOSİAL-İQTİSADİ ONLAYN QƏZET

Dövlət Xidməti ilə ADA Universiteti arasında memorandum imzalanıb

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti ilə ADA Universiteti arasında Əməkdaşlıq Memorandumu imzalanıb.

Sənədin imzalanmasında məqsəd tərəflər arasında qarşılıqlı maraq kəsb edən sahələr üzrə əməkdaşlıq və tərəfdaşlıq münasibətlərinin təmin edilməsidir.

Sənədi Universitetin İcraçı prorektoru Fariz İsmayılzadə və Dövlət Xidmətinin rəisi Məmməd Abbasbəyli imzalayıblar.

ADA Universitetinin dövlət və özəl sektorda faəliyyət göstərən qurum və şirkətlərlə davamlı olaraq əməkdaşlıq etdiyini vurğulayan Fariz İsmayılzadə Dövlət Xidməti ilə qurulan əməkdaşlığın strateji xarakter daşıdığını, Universitetin tələbə və müəllim heyətinin elmi və praktiki potensialı vasitəsilə bu əməkdaşlığın daha da genişlənəcəyini bildirib.

Universitetlə əməkdaşlığın əhəmiyyətindən danışan Dövlət Xidmətinin rəisi Məmməd Abbasbəyli qeyd edib ki, bazarda ədalətli rəqabət mühitinin təmin olunması, keyfiyyət infrastrukturunun qurulması, dövlət satınalmalarına nəzarətin təkmilləşdirilməsi və sair qarşıya qoyulan məqsədlərə çatmaq üçün Xidmətin bilik və bacarıqlı gənclərə ehtiyacı var.

Memoranduma əsasən, tərəflər təhsil və texnologiya sahələrində innovativ fəaliyyəti sürətləndirmək məqsədilə birgə layihə və tədqiqatlar həyata keçirəcək, konfrans, təlim və seminarlar təşkil edəcəklər.

Memorandum ADA tələbələrinə istehsalat təcrübəsinin təşkilini, onların yay təcrübə proqramlarında iştirakını və sertifikatla təmin edilməsini, habelə məzunların və xüsusi istedadlı tələbələrin işlə təmin edilməsini nəzərdə tutur.

Əməkdaşlıq Memorandumu çərçivəsində Dövlət Xidmətinin əməkdaşları üçün Universitet tərəfindən İxtisasartırma kursları təşkil ediləcək, tələbələri Dövlət Xidmətinin fəaliyyəti və Xidmətdə mövcud olan vəzifələr haqda məlumatlandırmaq üçün Universitetdə “Karyera günləri” keçiriləcək. Bununla yanaşı, ikitərəfli əlaqələrdə davamlılığın təmin edilməsi, eləcə də müvafiq peşə sahələrinə uyğun kadr potensialının gücləndirilməsi istiqamətində tələbələrin kurs və buraxılış işləri, magistrantların dissertasiya mövzuları Dövlət Xidmətinin həyata keçirdiyi layihələrin məzmunu ilə əlaqələndiriləcək.

VergiFrilanser kimi çalışan vergi ödəyicisinin hansı öhdəlikləri yaranır? VergiÖdənişin nağd qəbuluna görə maliyyə sanksiyası hansı məbləğə tətbiq olunur? İqtisadiyyatAYİB Azərbaycanda iqtisadi artım proqnozlaşdırır SosialMəcburi işburaxma dövrü üçün əməkhaqqı məbləğinin hesablanması VergiTexnologiyalar parkının rezidentinin əməkdaşlarına hansı vergi güzəşti tətbiq olunur? Vergiİctimai iaşə xidməti göstərən müəssisədə ƏDV-nin geri qaytarılması necə aparılır? İqtisadiyyatYenilənmiş 5 qəpiklik metal pul nişanı tədavülə buraxılıb Vergi20 Yanvar şəhidinin ailə üzvlərinin hansı vergi güzəşti mövcuddur? Vergiİdxalı əvəz edən mal istehsalçıları hansı vergilərdən azaddır? MüsahibələrMahmud Ul-Həssan Xan: “Pakistan şirkətlərinin Azərbaycan iqtisadiyyatına sərmayə qoymaq üçün böyük imkanları var” MÜSAHİBƏ