Milli Məclis Azərbaycan Respublikası Konstitusiyasının 95-ci maddəsinin I hissəsinin 5-ci bəndini rəhbər tutaraq 2022-ci il üçün Dövlət Sosial Müdafiə Fondunun büdcəsini birinci oxunuşda qəbul edib.

Qanun layihəsi parlamentin noyabrın 17-də keçirilən iclasının gündəliyinə daxil olunub.

Layihəyə əsasən, Dövlət Sosial Müdafiə Fondunun 2022-ci il büdcəsinin gəlirləri 5 306 770 072,0 manat, xərcləri 5 306 770 072,0 manat məbləğində təsdiq olunur.

Fondun əsas gəlirləri məcburi dövlət sosial sığorta haqları (4 148 202 903,0 manat ) və qeyri-büdcə sektoru (2 438 772 700,0 manat) hesabına əldə edilir.

Əhaliyə ödənişlər üzrə xərclər 5 133 000 000,0 manat təşkil edir. Bu məbləğin 4 951 000 000,0 manatı əmək pensiyalarının ödənilməsinə xərclənir.