10 Aprel 2021

VERGİLƏR

SOSİAL-İQTİSADİ ONLAYN QƏZET

Fevralda “Azexport.az” portalına 35,3 milyon dollarlıq ixrac sifarişləri daxil olub

Bu ilin fevral ayında “Azexport.az” portalına 35,3 milyon ABŞ dolları dəyərində ixrac sifarişləri daxil olub.

İqtisadi İslahatların Təhlili və Kommunikasiya Mərkəzinin “İxrac İcmalı”nın mart sayında bildirilir ki, yanvar-fevral aylarında isə “Azexport.az” portalına daxil olan ixrac sifarişlərinin dəyəri 89,2 milyon dollar təşkil edib.

2017-ci ilin yanvar ayından cari ilin fevralın 28-dək (50 ay ərzində) “Azexport.az” portalına 143 ölkədən daxil olan ixrac sifarişlərinin dəyəri 2 milyard 285 milyon dollar olub.