4 Oktyabr 2022

VERGİLƏR

SOSİAL-İQTİSADİ ONLAYN QƏZET

Azərbaycan-Qətər biznes görüşü təşkil olunub

Azərbaycan Respublikası və Qətər Dövlətinin işgüzar dairələri arasında videokonfrans formatında biznes görüş təşkil olunub. Tədbirin təşkilatçıları qismində Azərbaycanda İxracın və İnvestisiyaların Təşviqi Fondu (AZPROMO) və Qətərin Ticarət Palatası (“Qatar Chamber”) çıxış edib.

Azərbaycanın Qətərdəki səfirliyindən bildirilib ki, rəsmi nümayəndə heyətlərinin üzvləri öz çıxışlarında iki ölkə arasında ikitərəfli iqtisadi-ticarət əlaqələri üçün geniş potensialın olduğunu qeyd edərək mövcud imkanlardan daha fəal istifadə etməyə maraqlarını bildiriblər. Bu xüsusda, ticarət, kənd təsərrüfatı, ərzaq məhsullarının istehsalı, turizm, informasiya və kommunikasiya texnologiyaları, bərpaolunan enerji və bir sıra digər sahələrdə əməkdaşlığın gücləndirilməsi üçün cəlbedici imkan və perspektivin olduğu qeyd edilib.

Azərbaycanın Qətərdəki səfiri Rəşad İsmayılov iki ölkə arasında digər sahələrlə yanaşı, iqtisadi və ticarət əməkdaşlığının da inkişaf etdirilməsinin əhəmiyyətini vurğulayaraq səfirliyin Azərbaycan və Qətərin biznes dairələri üçün qarşılıqlı maraq doğuran istiqamətlər üzrə əlaqələrin təşviq edilməsinə öz töhfəsini verməyə hazır olduğu bildirib.

Toplantıda AZPROMO və Qətərin İnvestisiyaların Təşviqi Fondunun (IPAQ) nümayəndələri təmsil etdikləri ölkələrdə investisiya imkanları barədə ətraflı təqdimatlarla çıxış ediblər.

Görüşdə müxtəlif sahələr üzrə birbaşa əlaqələr qurmaq və potensial əməkdaşlıq imkanlarını müzakirə etmək niyyətində olan Azərbaycan və Qətərin şirkət və iş adamları üçün müvafiq şərait yaradılıb.

İqtisadiyyatRüfət Quliyev: IGB çox mühüm strateji layihədir İqtisadiyyatBu ilin 9 ayında Azərbaycan nefti 11 faizdən çox bahalaşıb Ekspert Rəyiİdxalı ƏDV-dən azad edilən malların satışı zamanı nələrə diqqət yetirilməlidir? VergiFiziki şəxslərdən kənd təsərrüfatı malları hansı qaydada alınmalıdır? İqtisadiyyatHans Holzhaker: “Azərbaycanın  nəqliyyat qovşağı kimi böyük potensialı var” VergiƏmlakın kirayəyə verilməsi hansı vergi öhdəliyi yaradır? VergiVergi islahatları biznes və investisiya mühitinin təkmilləşdirilməsinə təkan verir VergiVergi sahəsində beynəlxalq əməkdaşlıq genişləndirilir Rəsmi2023-cü il Azərbaycanda “Heydər Əliyev İli” elan edilib VergiNağdsız ödənişin kassa çekində nağd kimi göstərilməsi qanun pozuntusu sayılırmı?