19 Mart 2024

VERGİLƏR

SOSİAL-İQTİSADİ ONLAYN QƏZET

İşğaldan azad olan ərazilərdə yeni infrastruktur qurulur

Azərbaycan hökuməti işğaldan azad olunan torpaqlarda quruculuq fəaliyyətinə başlayıb.

İqtisadçı Toğrul Vəliyev həftə ərzində açıqlanan məlumatlara əsaslanaraq bu fəaliyyətlərlə həm orduya logistik dəstək verildiyini, həm də gələcək üçün təməl qoyulduğunu bildirib:

– Azərbaycan Avtomobil Yolları Dövlət Agentliyi Tərtər rayonunun Suqovuşan və Talış kəndlərinə gedən avtomobil yolunun bərpasına başlayıb. Yolun ümumi uzunluğu 29 kilometrdir. Hərəkət hissəsinin eni 6 metr, çiyinlərin eni isə hər bir istiqamət üzrə 2 metr olmaqla yol yatağının eni 10 metr təşkil edəcək;

– Azərbaycan Meliorasiya və Su Təsərrüfatı ASC-nin Beyləqan Subartezian Quyularının İstismar İdarəsi Cəbrayıl rayonun Daşkəsən kəndindəki subartezian quyusunu təmir-bərpa edib. Bərpa işləri zamanı subartezian quyusunda kabel, nasos, boru, elektrik və mühafizə şiti qurulub. Mühafizə çəpəri çəkilib və rənglənib. Subartezian quyusu təxminən 3-4 hektar ərazidə yerləşən binaları su ilə təmin edir.

– “Azərişıq” ASC işğaldan azad edilmiş ərazilərdə xüsusi əhəmiyyət kəsb edən strateji obyektlərin elektrik təchizatının təcili təmin olunması üçün “Azərişıq” Qarabağda” layihəsi çərçivəsində təxirəsalınmaz tədbirlər həyata keçirir. Azad olunan ərazilərdə yeni güc mərkəzlərinin yaradılması, ən müasir texnologiyalardan, elektron tipli rele mühafizəsi və avtomatika sistemlərini, məsafədən dispetçer idarəetmə sistemini tətbiq etməklə 110, 35 və 0,4 kilovoltluq şəbəkələrin yaradılması, ÖİN naqillərdən istifadə etməklə 35 və 0,4 kilovoltluq elektrik verilişi xətlərinin çəkilməsi üzrə layihələr hazırlanıb, həmin layihələrin mərhələli şəkildə həyata keçirilməsi nəzərdə tutulub;

– “Azercell Telekom” MMC elan edib ki, işğaldan azad olunmuş ərazilərdə ilk mobil infrastrukturun qurulmasına başlayıb və orada dördüncü nəsil LTE radio baza stansiyalarını quraşdırmaqdadır. “Nar” elan edib ki, daxili layihələndirmə işlərini tamamlayıb. “Bakcell” isə cəbhəyanı səyyar stansiyalardan istifadə edir və eyni zamanda yaxın zamanlarda stansiya tikilməsini planlaşdırır;

Yeri gəlmişkən, keçmişdə işğaldan azad olunmuş, amma atışma altında qalan kəndlərdə də bərpa işləri həyata keçirilir. Misal üçün, sentyabrın əvvəli Cəbrayıl rayon İcra Hakimiyyəti kotirovka sorğusu elan etmişdi. Sorğuya görə Cocuq Mərcanlı kəndində “kəndarası yollarda təmir işlərinin aparılması” nəzərdə tutulurdu. Bu sorğunun nəticələri oktyabrın 2-də elan olunub. Muğan-RB MMC şirkəti bu işlər üçün 19 min 961,28 manat alacaq.

Vergiİtirilmiş istifadəçi kodu, parol və şifrənin bərpası hansı qaydada mümkündür? VergiYaşayış binalarındakı mənzillər vergitutma obyekti sayılırmı? İqtisadiyyatEldəniz Əmirov: “Dövlət zəmanəti ilə verilən kreditlər daha etibarlıdır” VergiFaizsiz borclar hansı formada vergiyə cəlb olunur? VergiHansı halda əyləncə və yemək xərcləri gəlirdən çıxıla bilər? İqtisadiyyatXalid Kərimli: “Daxildə emal prosedurunun tətbiqində məqsəd ixracın stimullaşdırılmasıdır” İqtisadiyyatPərviz Heydərov: “Daxildə emal proseduru ixracın xüsusi çəkisinin artmasına səbəb olacaq” İqtisadiyyatEyyub Kərimli: “Rəqabət Məcəlləsi iqtisadiyyat üçün yeni imkanlar yaradacaq” VergiQeyri-neft sektorunun özəl bölməsində əmək müqavilələrinin sayı 898 minə çatıb VergiAktiv ƏDV ödəyicilərinin sayı 14,4 faiz artıb