24 May 2022

VERGİLƏR

SOSİAL-İQTİSADİ ONLAYN QƏZET

Bərpaolunan enerji mənbələri sahəsinin investisiya cəlbediciliyini artırmaq üçün tədbirlər görüləcək

Prezident İlham Əliyevin müvafiq Fərmanı ilə yaradılan Energetika Nazirliyi yanında Bərpaolunan Enerji Mənbələri Dövlət Agentliyi bu sahənin investisiya cəlbediciliyini artırmaq üçün tədbirlər görəcək.

Agentlik Azərbaycanda bərpaolunan enerji mənbələri və onlardan səmərəli istifadə sahəsində fəaliyyətin təşkilini və tənzimlənməsini təmin etməklə dövlət siyasətinin həyata keçirilməsində iştirak edəcək. Agentlik bu sahənin inkişafı və bərpaolunan enerji mənbələri potensialından səmərəli istifadənin təmin edilməsi, eləcə də investisiya cəlbediciliyini artırmaq üçün tədbirlər görəcək.
Agentliyin vəzifələrinə Azərbaycanın ayrı-ayrı regionları üzrə bərpaolunan enerji mənbələrinin potensialını və onlardan istifadə üçün əsas istiqamətləri müəyyənləşdirmək, müvafiq sahədə məlumatların toplanılmasını, emalını, saxlanılmasını və paylaşılmasını təmin edən bərpaolunan enerji mənbələrinə dair elektron məlumat sistemini yaratmaq, bərpaolunan enerji mənbələri üzrə ölçmə müşahidə avadanlığının quraşdırmasını və istismarını təmin etmək, bu sahədə mühəndis-axtarış, kəşfiyyat, layihələndirmə işlərinin aparılmasını, perspektivli layihələrin texniki-iqtisadi əsaslandırılmasının hazırlanmasını təşkil etmək, bərpaolunan enerji mənbələrindən səmərəli istifadənin təmin edilməsi və dəstəklənməsi üçün müvafiq fondların yaradılması daxildir.

Həmçinin agentlik xarici dövlətlərin aidiyyəti dövlət orqanları ilə əməkdaşlıq çərçivəsində müvafiq qabaqcıl və innovativ təcrübələri öyrənəcək və tətbiq edəcək, müstəqil ekspertləri və mütəxəssisləri, elmi təşkilatları qanunvericiliklə müəyyən edilmiş qaydada öz fəaliyyətinə cəlb edəcək, bu sahədə ixtisaslı kadrların, mütəxəssislərin hazırlanması və ixtisasının artırılması fəaliyyətində iştirak edəcək.

VergiƏDV tətbiq edilməklə satılmış bəzi mallara görə hesablanmış ƏDV məbləğləri azaldılacaq İqtisadiyyatİqtisadiyyat naziri Mikayıl Cabbarov Səudiyyə Ərəbistanı Krallığının investisiya naziri ilə görüşüb İqtisadiyyatBirləşmiş Ərəb Əmirlikləri ilə iqtisadi-ticarət əlaqələri və əməkdaşlıq perspektivləri müzakirə edilib İqtisadiyyatAzərbaycanda iqtisadiyyatın şaxələndirilməsi, yaşıl iqtisadi artım məsələləri müzakirə olunub SosialŞəhid ailələri üzvləri və müharibə iştirakçılarından ibarət 93 min şəxsə sosial ödənişlər təyin olunub İqtisadiyyatDaha 2 faydalı qazıntı yatağı hərraca çıxarılıb İqtisadiyyatAzərbaycan-Litva biznes-forumu işini müzakirələrlə davam etdirib İqtisadiyyatHicran Hüseynova: Qadınların əmək bazarına lazımi bacarıqlarla çıxması üçün innovativ maliyyə mexanizmləri yaradılmalıdır MüsahibələrEldəniz Əmirov: Vergi daxilolmalarının artması iqtisadi islahatlarla bağlıdır MÜSAHİBƏ İqtisadiyyatAvropa İttifaqı-Azərbaycan biznes forumu keçirilib