1 Dekabr 2022

VERGİLƏR

SOSİAL-İQTİSADİ ONLAYN QƏZET

Giorgi Xiştovani: “Azərbaycanla sıx əməkdaşlıq ölkəmizə böyük fayda gətirir” MÜSAHİBƏ

Bu yaxınlarda Bakıda Asiya İnkişaf Bankının (AİB) Mərkəzi Asiya Regional İqtisadi Əməkdaşlıq İnstitutu (CAREC) və Azərbaycanın İqtisadiyyat Nazirliyinin İqtisadi Elmi Tədqiqat İnstitutunun (ESRI) təşkilatçılığı ilə CAREC Beyin Mərkəzlərinin 6-cı İnkişaf Forumu keçirilib. 2016-cı ildən ənənəvi olaraq tematik mövzular üzrə keçirilən forumun budəfəki mövzusu “İnklüziv və davamlı iqtisadiyyatlar üçün artım dinamikalarının yenidən kalibrlənməsi” olub. Forum öz işini inkişaf modelləri və strategiyaların nəzərdən keçirilməsi, CAREC Beyin Mərkəzləri Şəbəkəsinin (CTTN) regional araşdırma hesabatı, dayanıqlı inkişaf məqsədləri, iqlim dəyişikliyi və “yaşıl enerji”, geosiyasi qeyri-müəyyənliklər, COVID-19 pandemiyasının artım və inklüzivliyə təsiri, regional rifah üçün alyansların qurulması üzrə sessiyalar və panel iclaslarla davam etdirib. Sonra CAREC və İqtisadi Elmi Tədqiqat İnstitutu arasında əməkdaşlığa dair Anlaşma Memorandumu imzalanıb. Mövzu ilə əlaqədar “vergiler.az”ın suallarını forumun iştirakçısı, Gürcüstanın “Policy and Management Consulting Group”un (PMCG) tədqiqat direktoru Giorgi Xiştovani cavablandırır:

- İlk öncə sizin paytaxtımızla bağlı təəssüratlarınızı öyrənmək istərdik…

- Bu, Bakıya ilk səfərimdir və təəssüratlarım çox yaxşıdır. Azərbaycanın İqtisadiyyat Nazirliyinin İqtisadi Elmi Tədqiqat İnstitutu ilə CAREC arasında Anlaşma Memorandumunun imzalanmasına təsadüf edən tədbir çox maraqlı keçdi. Burada olduğum üçün məmnunam. Şadam ki, forumda iştirak edən qonaqlarla və ilk növbədə, Azərbaycanın “beyin mərkəzləri” ilə yaxından tanış oldum. Biz həqiqətən də region ölkələri ilə daha sıx əməkdaşlıq etmək istəyirik və ona görə də bu forum əlaqələrimizi dərinləşdirmək üçün çox yaxşı fürsət idi.

- Azərbaycanla Gürcüstan arasında əməkdaşlığın hazırkı səviyyəsini necə qiymətləndirirsiniz?

- Bakı ilə Tbilisi arasında iqtisadi əməkdaşlıq kifayət qədər yüksək səviyyədədir. Hesab edirəm ki, son 5 ildə Azərbaycan Gürcüstanın ən mühüm iqtisadi tərəfdaşına çevrilib. Bu, ilk növbədə, enerji sahəsində əməkdaşlığa aiddir. Xüsusilə dünyada müşahidə edilən mövcud enerji böhranı fonunda Azərbaycanla sıx əməkdaşlıq ölkəmizə böyük fayda gətirir. Bununla belə, enerji komponenti tərəfdaşlığımızın yalnız bir hissəsidir, bizim daha dərin əməkdaşlıq perspektivlərimiz var. Qida ticarətindən tutmuş xidmət sahələrinə qədər əməkdaşlıq hər iki tərəf üçün çox faydalı olardı.

Xüsusilə dünyada müşahidə edilən mövcud enerji böhranı fonunda Azərbaycanla sıx əməkdaşlıq ölkəmizə böyük fayda gətirir. Bununla belə, enerji komponenti tərəfdaşlığımızın yalnız bir hissəsidir, bizim daha dərin əməkdaşlıq perspektivlərimiz var.

- Dünyadakı mövcud vəziyyət, ölkələrin alternativ marşrutlar aradığı bir şəraitdə Bakı-Tbilisi-Qars dəmir yolu vasitəsilə yükdaşımaların genişləndirilməsi potensialını necə dəyərləndirirsiniz?

- Hesab edirəm ki, bu marşrut ölkələrimiz üçün ən yaxşı alternativlərdən biridir. Adətən, böhran dövründə ticarət sahəsində yeni imkanlar yaranır. Bu Orta Dəhliz həm Gürcüstanın, həm də Azərbaycanın ticarət dövriyyəsini artırmaq baxımından mühüm əhəmiyyət kəsb edir. İstərdik ki, hökumətimiz ilk növbədə bu fürsətə strateji baxımdan diqqət göstərsin və bizə verilən bütün üstünlüklərdən yararlansın.

- Azərbaycan və Gürcüstan arasında tranzit və logistika əməkdaşlığının gələcək inkişafını necə görürsünüz?

- Bu istiqamətdə ölkələrimizin uzunmüddətli qarşılıqlı faydalı perspektivləri mövcuddur. İndiki geosiyasi şəraitdə Gürcüstan və Azərbaycan vasitəsilə Avropadan Asiyaya tranzit yüklərin həcminin dəfələrlə artması üçün yaxşı imkanlarımız var. Hesab edirəm ki, hər iki ölkənin müvafiq qurumları bu istiqamətdə ciddi iş aparmalıdırlar. Qazaxıstan və Türkiyədən olan aktorlar da burada mühüm rol oynayırlar. Biz Orta Dəhlizin logistika və nəqliyyat potensialından danışarkən digər ölkələrin də fikirlərini nəzərə almalıyıq. Bu baxımdan, CAREC hərtərəfli müzakirələr üçün çox yaxşı platforma yaradır.

İndiki geosiyasi şəraitdə Gürcüstan və Azərbaycan vasitəsilə Avropadan Asiyaya tranzit yüklərin həcminin dəfələrlə artması üçün yaxşı imkanlarımız var.

- SOCAR Gürcüstanın ən böyük investorlarından biridir. Eyni zamanda, hər iki ölkə Bakı-Tbilisi-Ceyhan və Bakı-Tbilisi-Ərzurum kimi beynəlxalq enerji layihələrini həyata keçirir. Dünyada baş verən hadisələr kontekstində enerji əməkdaşlığının genişləndirilməsi üçün hansı imkanlar açılır?

- Bəli, SOCAR Gürcüstanın enerji sektorunda çox böyük oyunçudur və iqtisadiyyatımızın kifayət qədər fəal iştirakçısıdır. Belə bir tanınmış şirkətin ölkəmizdə geniş fəaliyyəti bizi çox sevindirir.

Tamilla Məmmədova

İqtisadiyyatKOB-ların inkişafı, yaşıl iqtisadiyyatın genişləndirilməsi üzrə yeni çağırışlar müzakirə edilib İqtisadiyyatMikayıl Cabbarov: Kiçik və orta biznesin inkişafı bizim üçün prioritetdir VergiTest imtahanından uğurla keçən namizədlər üçün müsahibə keçiriləcək VergiMənzil satın alarkən ƏDV-nin bir hissəsinin geri qaytarılması şərtləri İqtisadiyyatƏminə Erdem: “Azərbaycanda qadınların sahibkarlıqla məşğul ola bilməsi üçün böyük imkanlar var” VergiMüharibə veteranlarının əməkhaqqından sığorta haqları necə tutulur? Vergiİkiqat vergitutmanın aradan qaldırılması haqqında Konvensiya layihəsi müzakirə olunub İqtisadiyyatAzərbaycan-Türkmənistan iqtisadi-ticarət əlaqələrinin genişləndirilməsi barədə fikir mübadiləsi aparılıb İqtisadiyyatÖlkədaxili nağdsız əməliyyatların həcmində artım qeydə alınıb Vergiİctimai təşkilata ayrılan qrant dövlət büdcəsindən maliyyələşmə hesab edilirmi?